Kalamband hone ko aaj jee chahta hai,
Rafeeq-raqeeb bahut hue,
Aaj apni sirat ko in lafzon mein pirone ko jee chahta hai.
Aksar kayee aaftab keh jaate hain mujhko,
Aaj wakiye mein,
Aaftab banne ko jee chahta hai.
Meri kayee aadaton ko hi meri khamiyan batate hain woh,
Nazarandaaz bahut hua,
Aaj unn khamiyon ko khaak banane ko jee chahta hai.
Bachpan se ammi meri ibadat sikha rahi hai,
Thukrana bahut hua,
Bakhuda aaj khuda apnane ko jee chahta hai.....
No comments:
Post a Comment