Ho gayi hai ruksat woh iss duniya se shayad,
Aksar kaha karti thi "Zinda rahi to milti rahoongi".
Khaati thi jhooti kasme, woh karti thi waade..adhure shayad,
Bebak ho kar kehti thi "Zuban se nikale..farz ki tarah nibhati rahoongi".
Badi kambhakht thi woh, badi or bhi thi shayad,
Rote hue aksar kehti thi "Tumhare bina mein kabhi jee nahi paungi".
Maut bhi usko cheen nahi payi mujhse shayad,
Bade pyaar se kehti thi, "Yaadon mein tumhari mein hamesha zinda rahoongi"...
No comments:
Post a Comment